Denis Yuryevich Ten (Денис Юрьевич Тен); (13 de xunu de 1993, Almaty – 19 de xunetu de 2018, Almaty) foi un patinador artísticu kazaquistanín.[2] Ganó la medaya de bronce olímpica en 2014, foi dos veces medayista nos Campeonatos mundiales (plata en 2013, bronce en 2015), campeón de Four Continents 2015, campeón de la Universiada d'Iviernu 2017, y cinco veces campeón nacional de Kazakstán.
Ten foi'l primer patinador de Kazakstán en xubir a un podiu nos Campeonatos mundiales, Campeonatos de los Cuatro Continentes, Xuegos d'Iviernu Asiáticos, y Xuegos Olímpicos. Nel Campeonatu 2008–09 ISU Junior Grand Prix en Bielorrusia, convirtióse nel primer patinador de Kazakstán en ganar una competición de la International Skating Union. Otros llogros incluyen calificar dos places pal so país na competición d'homes nos Xuegos Olímpicos d'iviernu de 2010 y 2014.
Ten foi l'embaxador oficial del Comité de la Candidatura Olímpica "Almaty 2022". Foi miembru del Astana Presidential Sports Club y del políticu partíu «Nur Otan». En 2013, entamó a producir el so propiu espectáculu sobre xelu, «Denis Ten and Friends». Nel branu de 2014, anunció la so collaboración cola empresa de representación All That Sports fundada por Yuna Kim.
© MMXXIII Rich X Search. We shall prevail. All rights reserved. Rich X Search